汪詩詩攬肥子丹 囡囡呷醋
汪詩詩、黃漪鈞及黃婉曼等昨現身甜品店的時裝品牌和西班牙女裝鞋履品牌2015春夏系列預覽，提到早排詩詩和老公甄子丹拍的床上用品廣告，詩詩謂：「廣告出街後，反應好好，吸引到好多新客戶。」
詩詩笑言女兒不認得廣告中變肥的子丹：「我手機有啲相係我攬住肥Donnie（子丹），我畀個女睇，佢好嬲咁問係邊個。之後我話畀我媽咪知嗰個係佢女婿，我媽咪都覺得唔似。」問詩詩下次拍廣告時會否嘗試變醜？她說：「唔介意，我都好想試吓趙薇喺《少林足球》嘅造型。（化妝成老人家？）唔想咁快見到自己老，依家啲皮膚同身體已經唔同之前。」