蔡少芬成就囡囡表演欲

蔡少芬（Ada）昨日出席電台訪問，她透露要為女兒準備服裝參加學校活動，雖然市面可以買得到，但她認為親手製造會比較有滿足感。問到女兒是否遺傳到她與老公張晉的演藝基因？Ada表示仍在發掘中，但就大讚女兒有表演欲：「佢喺學校學咗首歌，叫佢唱佢都好樂意，好唔怕醜，同媽咪一樣！（做童星？）我又唔會諗呢啲，但都唔會埋沒佢嘅天分，會諗吓點樣幫佢成就呢個才能！」她又謂不會讓一對女兒嬌生慣養，所以即使家中有傭人，亦要她們學習自理。至於會否再追一個小朋友？Ada笑說：「依家佢抱一個我抱一個啱啱好，三件就顧唔到喇！」