JC愛心早餐催谷「胸」低思琦

思琦想做爛面女

眾女星爭妍鬥麗，JC穿低胸裙晒警鐘胸，又晒白滑玉背；思琦穿露肩低胸裝，子涵以Deep V晒事業線搶鏡，馬國女星童冰玉則穿高衩裙晒美腿！

JC透露曾到馬國拍攝電影《辣警霸王花》，笑言要拿槍很驚，並指已請教男友安志杰。問兩人是否同居？她冧爆說：「我哋大部分時間係一齊，好鍾意陪喺佢身邊，佢仲每朝煮早餐我食！（幾時結婚？）等緊Magic出現！」

楊思琦身在馬來西亞，心中卻記掛着囡囡。

王子涵希望演殭屍，並跟李敏鎬合作。

思琦則透露已簽馬國經理人，望到當地發展，笑言已不適合性感，反而想做爛面角色，愈驚嚇愈好，但她透露昨晚一直心掛掛女兒：「媽咪話囡囡唔小心撼親枱角，眼角撞到似雞蛋，一陣要視像睇佢咩事，都唔係咁安樂！」

OC MERIT娛樂公司老闆黃永峰（左三）與Danny Ong（右二）率領Super Girls，在馬來西亞出席娛樂公司開幕活動。

童冰玉高衩大晒美腿。

王子涵冧李敏鎬

子涵希望到馬國拍戲，並想扮演殭屍，她笑說：「因為做親都係靚女，身材好好，雖然我唔夠外國人長腿，但比例上搭夠，而且啲男殭屍通常靚仔！」問到想跟哪位男星合作？她冧爆表示目標是韓國型男李敏鎬。另外，身為老闆的錢國偉與未婚妻陳宛蔚結伴到場，他透露將在香港擺酒：「呢度咁多朋友！（婚紗點影？）街頭婚照！約埋朋友去旺角、觀塘影。」