李逸朗紮髻透視向哥哥致敬
鄭敬基（Joe）與李逸朗（Don）昨日為《我們的哥歌一夜音樂會》舉行記招，公布4月1日假九展舉行張國榮（哥哥）的紀念騷，為了向這位已故巨星致敬，穿上白色中山裝的Joe模仿哥哥《胭脂扣》造型亮相，至於豁出去的Don則穿上透視裙，紮髻兼踢人字拖，似模似樣。
Joe透露曾在戲中飾演哥哥的師弟，劇情講述他死於哥哥懷內：「因為等轉鏡頭，等緊嘅時候，哥哥對我好好，陪咗我一個鐘，攬住我傾偈，到埋位時，哥哥啲眼淚即刻流落嚟。」自封「災星」的Don透露簽約入行一日後，哥哥即不幸離世：「一直都好憧憬同哥哥見面，嗰時我公司叫紅音樂，同事話係哥哥改名架。（請梁齊昕做嘉賓？）點解要請呢？今次焦點喺音樂上，門票公開賣嘅，佢有時間嚟睇都開心。」