千嬅腦筋急轉彎 舌戰思捷

楊千嬅、鍾舒祺、側田及單立文等前晚在將軍澳電視城為李思捷主持的節目《今晚睇李》錄影，千嬅講到要接受搞鬼的思捷訪問，她說：「佢最擅長爆肚、即興，轉數好快，要瞓夠先可以上節目，不過今次宣傳電影，有啲小朋友家長喺度，佢應該唔會亂咁噏，同埋我都唔係弱。我對佢都好好奇，大家比試吓。（知唔知思捷死穴？）佢話自己係人妻王，但夠膽喺電視講，都係幽自己一默啫。」

超人底褲贈側田

千嬅又在現場送超人底褲及藤條給將開個唱的側田，並對他說：「知你每次開騷都着同一條底褲，送多條畀你替換，藤條就用嚟鞭策你。」近期忙為電影宣傳的千嬅期待復活節假陪兒子，問可希望追個女兒？她說：「我好鍾意小朋友，如果天畀我OKo架。（努力造人？）正常人生活囉。」

舒漫浩康變朋友

鍾舒祺家姐鍾舒漫已原諒男友吳浩康「偷食」，舒祺說：「家姐心情OK，最近計劃學跳舞同彈琴。（療情傷？）佢真係冇乜情傷，都係照常鬧我。（家姐同吳浩康仲有冇聯絡？）有，佢哋都公開咗講做番朋友。（分咗手？）我又冇問，佢開心就得。（感情有冇得救？）唔知，一唔一齊都好，我都當吳浩康係屋企人。」

千嬅帶了幾位小朋友現身宣傳，側田與他們玩到癲。	千嬅送超人底褲給側田。	鍾舒祺指家姐鍾舒漫經歷情傷後心情沒問題。

採訪：影視組