藝人孫佳君早前與十歲大仔及六歲細仔到北海道滑雪親子樂，她笑言：「我係第一次同佢哋出國旅行，以前佢哋太細，我一個人照顧唔嚟，但呢次滑雪，我發現佢哋叻過我呢個媽咪多多聲！大仔滑雪四日，已經上晒手，連導師都讚佢體力幾好，仲話要挑戰高難度嘅滑雪道，我就愈滑愈想滑番啲簡單嘅！見到佢兩個玩得咁開心，我決定以後每年都同佢哋出去旅行。（帶埋法籍廚師男友一齊去？）佢雖然同我兩個仔幾玩得埋，但仲未有機會一齊去旅行，我哋都係識咗約六個月之嘛！」
