羅霖撐女人當自強
前亞姐羅霖、溫碧霞、趙雅芝、馬詩慧等出席護膚活動，曾因經理人合約與李彩華鬧不和的羅霖，罕有同場，但兩人並沒有合照，羅霖透露兩人不愉快事已成過去，對她若開內衣店一定支持，並謂：「女人有自己生意，經濟獨立先可過精彩自由人生，而且內衣對女人好重要，好嘅內衣會着到身材好啲，我有朋友都訂造內衣，所以內衣生意一定有得做，好似周秀娜都做得幾好。」
羅霖昨日一身金色服裝打扮，大爆被兒子取笑似賭場荷官，指兒子喜歡她着裙打扮似公主，她說：「我之前同佢睇過《Cinderella》，但我就同佢講呢個世界冇咁好嘅王子拯救公主，叫佢第日揀女朋友都唔好搵公主，小心有公主病，一定要搵善良同有勇氣嘅。」至於溫碧霞則透露早前去了峇里島度假，現積極keep fit，因為將投入劇集拍攝，還希望拍古裝戲。