周慧敏美麗傳奇

「玉女掌門人」周慧敏（Vivian）一直抱着「自然就是美」的理念作為護膚宗旨，又說可有許多方法令人身心美麗，故對於時下Hit爆的整容或外觀微調並不太受落，她說：「人工改造唔等於美。（接受到美容針嗎？）我唔會用自己嘅準則去評論人，係每個人自己嘅選擇，不過我就冇呢個需要，因為我對自己用緊嘅護膚品好有信心，同埋我覺得只要保持開朗心情同心態，生活遠離負能量就會由心靚出嚟。歲月歷練可以增加女性嘅魅力，唔係淨係眼耳口鼻，外在咁簡單o架嘛，靚可以係一種態度同女性嘅一份情操。」

老公與貓減壓良方

Vivian又謂和諧及美滿之家庭生活是她首要的美容之道，應記一功：「就算平時工作幾有壓力，只要一返到屋企就覺得好簡單同平和，老公同七隻貓就係我嘅減壓良方。」

家中的豹貓都是寶貝。	Vivian表示肌膚上的歲月歷練和痕迹均可增加女性魅力。	周慧敏說衰老是自然定律。

擁有令人羨慕、嬌嫩白滑肌膚的Vivian，這位護膚界的佼佼者表示自己是毫無耐性之人，護膚最重要是做好基本功：「簡單方便最好，唔需要太多產品，但我都會好小心去揀護膚品，不過轉季嘅時候就注意吓皮膚質素，記得要轉吓產品，唔好長期使用同一隻。」對於成為護膚品牌「Suisse Programme」的代言人，感到非常感恩及有福氣。

婚姻幸福美滿的Vivian，笑說丈夫和愛貓是她的美容之道。

周慧敏

無懼衰老乖乖護理

「我依家最注重幾方面，抗皺、去皺同保濕滋潤，呢啲係首要。」始終女神都要面對歲月的催迫，所以她說：「依家要用激活細胞，可以增加肌膚更生速度的護膚品，真係注入到去皮膚底層，唔係表面護膚品咁簡單。（老公有冇讚你皮膚好？）佢唔係好識o架，仲成日好奇問我搽啲護膚品有咩功效。（有冇一齊搽？）如果佢有需要，我都會介紹適合嘅男士系列畀佢，不過男人係好懶搽護膚品，所以真係唔逼得。」問到會否害怕看見自己衰老的一刻？她無懼說：「衰老係一個自然定律，冇人可以違反，所以我冇擔心過呢個問題，只要自己乖乖做足護理，可以延慢已經好好。」

福音大碟兩地發行

另外，Vivian於早前推出的首張福音大碟，是相隔十七年後的「初見」，她分外重視，還特地閉關籌備及包辦專輯的理念、構思、歌詞解說等工作：「碟裏面總共有十二首歌，台灣都會發行，嗰邊就再多兩首添。」

演戲未有衝動

相隔多年，早前復出拍戲的Vivian表示此舉是為答謝朋友及粉絲一直以來對自己的支持，絕無抱有試水溫的心態！她又坦言：「只要遇到好嘅劇本同埋冇打擾到自己一貫嘅作息時間，就會繼續拍落去。」可惜的是，至今Vivian還未遇到令她有衝動的劇本。

文：車車

服裝：Alice & Olivia from Net-a-Porter

造型：Ricky Kwok