嘉欣黐實亨亨七年不癢

李嘉欣與老公許晉亨、甄子丹太太汪詩詩、名模琦琦、王敏德與馬詩慧、Amanda S.及Ana R.等昨晚盛裝打扮出席「香港癌症基金會2015年慈善餐舞會」。穿上綠色長晚裝裙的嘉欣，與許晉亨拖手到場，盡顯恩愛。問到是否與老公襯了夫妻裝出席？嘉欣笑言：「唔係呀，冇事先夾定，佢着番自己想着嘅衫。（唔鍾意同老公情侶裝？）比較敏感，有少少毛管戙。（母子裝？）得，細路可以有好多options。有試過顏色配搭，因為怕佢太大會嫌棄。」

餐舞會以童話為主題，嘉欣直言相信童話：「我自己比較不切實際，相信童話故事。（老公係咪你嘅白馬王子？）佢係浪漫主義者，但唔知係咪白馬王子。（有咩浪漫事情？）有啲小事，好似關心吓，噓寒問暖都好浪漫，同埋我哋結婚都七年啦！（怕唔怕七年之癢？）唔怕，中國人比較迷信，三年都可以癢。」

汪詩詩悉心打扮透視美腿。	薛芷倫帶已大學畢業的女兒馬桂珩現身。	莊家豐偕林天愛到場，確立女友地位。

薛芷倫見過「女婿」

Ball后薛芷倫（Fanny）性感超Deep V與女兒馬桂珩現身，Fanny介紹囡囡今年24歲：「佢係新聞系碩士畢業，大學係讀英國文學。」馬桂珩透露喜歡從事fitness、life style的事。問到有否拍拖？她大方承認：「有呀，媽咪都見過幾次。」Fanny更稱只要女兒喜歡，她就喜歡，不過她直言年輕人還是先做好事業。問到會否希望母親盡快找到新的春天？馬桂珩笑言只要媽咪開心就好。Fanny則坦言專心事業：「依家想將餐廳向香港以外地方發展，今年內會喺溫哥華開『卅二公館』，開幾多間就先不能說。」

莊家豐認定林天愛

同場還有名人莊家豐（Edwin）罕有拖女伴林天愛到場，問到是否女友？他大方說：「係呀，佢係天愛，已拍拖一段時間。（諗結婚？）依家好穩定，多謝大家關心。」有傳哥哥莊家彬與傅明憲分手，問是否因其家人反對？Edwin謂：「唔清楚。佢（家彬）唔喺香港，我唔方便代佢發言。」至於有否在家庭聚會見過傅明憲？他直言：「冇見過，佢哋感情生活我哋支持同放心，邊方面都會支持。」

文：名人組