梁麗翹澳洲度假 沙灘解放
藝人梁麗翹（Nicole）早前偕好友到澳洲度假十日，自言香港沙灘人多不敢晒身材的她，日日穿比堅尼於當地海灘大解放，又稱想不到澳洲人身形弗到漏：「外國人通常好豐滿，但澳洲人超fit，嗰邊好多人跑步，個個都六舊腹肌，我都要畀心機。」
今趟主要親親大自然的Nicole，特地揸兩個鐘車去睇其最愛的企鵝：「以前見到啲Fans追星喊，今次見到千幾隻野生企鵝，終於明白嗰啲fans嘅心態，啲企鵝就喺我隔籬，就好似見到百幾個都敏俊咁，好震撼、好激動。」她指島上嚴禁拍照，本來想用手機偷影，惜遭同行「正義大朋友」勸阻，最終只與公仔及標本合照，她嘆道：「朋友見我眼神有異，即刻大嗌『No!Don't do that!』，搞到我都唔好意思影，之後都好唔開心。」