梁嘉琪孖泰臣「開房」

藝人李思欣、梁嘉琪、李綺雯、泰臣、艾威、陳彥行、譚凱琪和喬寶寶，日前以《嬉春酒店》舞台劇演員身份，到舞台劇受惠機構香港社區組織協會，探望一班可愛的小朋友。在場演員落力發揮搞笑本色，與小朋友大玩遊戲和派禮物。

李思欣首踏台板

李思欣和梁嘉琪同為演藝學院畢業的師姐妹關係，但合演舞台劇則是第一次。李思欣表示：「正式做舞台劇都係第一次，舞台劇同電視劇形式好唔同。戲中我做艾威個大女，對落仲有兩個妹。劇中我要唱粵劇，對我嚟講係新嘗試，依家積極跟專業老師學唱腔。」

梁嘉琪則在戲中與泰臣飾演酒店管理人員，專門幫客人「開房」：「我同泰臣負責搞笑，其實佢係我讀書時的師兄，佢讀書時已經好叻，係學校活躍分子，好想同佢合作好耐，今次都有壓力o架。不過佢好好人，舞台上有咩唔識佢都肯教我。」

艾威在舞台劇中育有三位嘈爆寶貝女。

搞笑能手泰臣在活動現場大玩遊戲。

三個女人一個墟

同場，李綺雯和譚凱琪同是艾威女兒。艾威笑言三個女走在一起便很嘈。陳彥行則笑言劇中要勾引男人，指現實中並不是她的強項，在演出上是一個挑戰。

文：影視組