黎燕珊利誘師妹入「仁美」
亞視執行董事葉家寶、黎燕珊（珊姐）及應屆亞姐冠軍張軼珺等前晚於尖沙咀，亮相「仁美清叙」新春團拜。一眾亞姐更與同場有份贊助的百利達集團主席黃特平先生合照留念。
亞視今發2月糧
期間身為顧問的葉家寶就亞視調升高層作回應：「一路有人升職、離職同埋加入，我哋之前欠薪，冇辦法請新人。（升職冇人工加？）捱吓義氣啦！之後亞視好轉應該會追加。（出招挽留員工？）鼓勵士氣囉。」提到繳交牌費，葉家寶表示會繼續努力。對於欠薪方面，亞視昨日發通告向員工表示將於今日發放二月份薪金及同月超時工作津貼及假日薪酬差額。
張軼珺恨拍電影
至於首屆亞姐冠軍珊姐笑稱以「大師姐」身份與師妹聯誼：「家寶話會帶幾位亞姐到場，之前諗爆頭都唔知點解（亞視）唔畀佢哋出席，今日算破冰！」問會否邀請到場亞姐加入「仁美」？珊姐笑稱出動約九十份獎金及獎品作利誘。連任今屆主席的珊姐表示該會計劃舉辦慈善步行及音樂會等活動。
而身穿Deep V長裙性感亮相的張軼珺就自爆做足安全措施以防走光，又直言渴望加入「仁美」及拍電影。
文：影視組