沈震軒操肌拍火辣MV

五年未有請假的沈震軒早前透露，趁農曆新年返加拿大探親十日：「好多年冇同家人過年，真係有啲唔好意思，難得套劇啱啱完，有個少少嘅時間就返去休息。」並謂返港將忙於籌備四月推出的專輯，更要開始操body。會否在MV騷六舊腹肌？他笑謂：「未必係腹肌，但會弗啲、sexy啲，因為我啲歌詞、主題都幾爆。（有火辣鏡頭？）係，尤其跳舞歌都幾踩界。」至於會否請緋聞女友龔嘉欣拍MV？他表示有待唱片公司安排。