豹哥揮灑自如 伍詠薇拜服

藝人伍詠薇（伍姑娘）、單立文（豹哥）於本月中將聯同江美儀及林嘉華合演舞台劇《嬉春酒店》，同劇還有陳彥行、喬寶寶等。首次合作的伍姑娘及豹哥，同樣初次演舞台劇，二人更相當有善心，知道有慈善公演即義不容辭：「我哋都好緊張慈善嘅事，第一次做舞台劇唔係為錢，當中係為理想，做舞台劇之餘，亦都可以回饋社會。」

伍姑娘及豹哥對於是次演出都相當興奮，排演時更瞓身鬥戲，務求做到最好，豹哥說：「知道要兩個鐘non-stop冇得NG去做，呢個挑戰令我好興奮。排戲嗰陣先知空間可以好大，無邊無際，愈玩愈開心，創造咗好多唔同嘅嘢，係拍劇享受唔到。」

豹哥的演繹別樹一幟，令同劇演員大表讚賞。

伍詠薇為演好角色，找來名師補課。

邀邵美君補課

自認細膽的伍姑娘更為「處女作」而做足功課，特意請舞台劇演員邵美君「補課」：「我好鍾意學習，所以去搵一個唔同平台嘅專業演員教路，自把自為去搵邵美君。」在劇中飾演「陶花琿」的豹哥由頭帶到尾，其搞鬼的角色更令伍姑娘及江美儀認為無人能及，伍姑娘說：「豹哥係好幽默嘅男士，佢演嘅角色有好高嘅可塑性，江美儀都話『全世界冇人做到呢個角色，係豹哥做到。』佢就係做番自己，手到拿來！」

文：專案組

攝：張福宏

場地：TAPAGRIA

髮型：Jamie Lee@ HAiR

服裝：Moiselle

化妝：CoCo Wong@ Feel So Cool