DaDa撐施念慈信得過
性感女星陳靜（DaDa）前晚出席首映時，提到師妹羅子喬與經理人施念慈發生合約糾紛，她即力撐經理人值得信任！自己對負面新聞「睇開咗」，會以「轉Phone」一招避滋擾，遠離是非。
DaDa前晚聯同男主角溫超、張振朗和艾威等，齊齊出席電影《吉星高照2015》首映。提到師妹羅子喬（Bella）與經理人公司發生合約糾紛，Bella更指被安排出席飯局，DaDa直言對報道感愕然，更力撐經理人施念慈值得信任：「唔係佢（Bella）所講咁。」又重申自己之前因生病才與經理人發生不愉快事件：「我係因為病，兩回事，外界應該分開獨立處理兩件事！」問會否怕被聯想到有份出席飯局？她謂：「唔怕，相信自己呢幾年嘅努力有人睇到！」
轉電話號碼避是非
DaDa直言現時對類似新聞已經「睇開咗」：「唔會再抑鬱，有運動，定時作息，有開心嘅工作。」她又自爆轉電話號碼杜絕滋擾：「我入行轉過電話，嗰件事（抑鬱）後又轉一次，唔係好畀人搵到我，少咗好多干擾。」活動上，DaDa經常展露燦爛笑容，心情未受影響。
同場的溫超於片中再度模仿周星馳，問他為何於電影中打扮不修邊幅？他即星爺上身搞Gag謂：「想自然啲，依家留緊長頭髮，條呔都留緊長，你唔見咩？」處男拍戲的張振朗於片中模仿張智霖，更表示跟余慕蓮有辣身舞戲份。艾威則透露正物色經理人，並表示未決定專攻內地還是留守香港市場：「有得揀都想留喺香港！」
文：影視組