李仁港唔播蝦碌片段

拍慣大製作的李仁港首次與成龍合作，對於成龍以往多演英雄角色，今次也不例外，問此舉是否成龍要求？他謂：「冇，本身佢好識做戲，只係之前劇情趣味性強，觀眾無法集中睇佢做戲，今次呢方面少咗，大哥仲叫片尾唔好擺蝦碌鏡頭，以前佢嘅作品都有，但今次件事佢覺得唔太適合。」

他大讚尊古錫及艾哲倫很快融入劇組：「尊古錫本身寫劇本，我舉例佢好明，其實選角方面我冇參與，不過拍沙漠幾艱苦，喺召集外國演員有困難性，但到最後我都剪咗好多，最少剪廿分鐘好睇嘅戲。（出導演版？）唔係幾想做，因為做完件事唔容易，唔想返轉頭，長版觀眾係多啲享受，短版觀眾又唔知個故事本來係點啫。」