秋生寸劉俊輝：唔知邊個
黃秋生前晚出席電影慶功宴時，大讚蔡卓妍和任達華主演的英皇電影《雛妓》好睇。提到導演劉俊輝與特首女兒梁齊昕的風波，與齊昕相識的秋生暗寸劉俊輝說：「唔知邊個，（佢叫齊昕同你絕交？）做乜要絕交。呢啲嘢我唔想搭上，完全唔識佢。」有指秋生曾給齊昕建議，他謂：「之前有叫佢考慮清楚，因為呢啲好敏感。單嘢唔關我事又走出嚟加意見，好煩。」
同場的任達華表示曾跟劉導合作過電影：「佢係一個幾好嘅製片人，從來唔會唔畀片酬。」對於被指曾拍三級片Cheap，華哥說：「《雛妓》都係三級片啦！」他又勸喻大家不要因梁齊昕的身份而將事件化大。