君如雄風慶功誘菀之拔腸

吳君如主演的電影《12金鴨》票房已達2,400萬港元，她前晚率演員任達華、王菀之、劉浩龍、衛詩雅及盧海鵬等，在上環出席慶功宴。君如以戲中的「Future哥」反串造型現身，並講有味笑話指「最愛請女同學食芝士腸」，期間拉開外套騷出多條「巨腸」讓現場女士搶，又拉開褲鏈叫菀之伸手入內取「史上最長香腸」，令菀之尷尬傻笑。

呼籲勿心邪

隨後君如向男演員派「紅封」（雄風）利是，任達華乘機抽水出手摸她「腹肌」。事後君如笑言宣傳辛苦過拍戲：「派『紅封』係我諗嘅，食芝士香腸大家唔好心邪，跟住又畀我喺燒味檔搵到條咁長嘅腸，仲周圍搵白色、黑色、粉紅色腸。」

放大圖片	一眾女演員向君如「施襲」。

慰勞宴拍枱

菀之對票房報捷感開心：「媽咪搜集好多資料睇吓有冇人睇、賣唔賣座、啲人覺得我做得好唔好。媽咪睇咗超過一次，我會同家人朋友再睇（男友捧場？）佢未得閒。（鬧佢？）冇，因為佢好忙，都想佢快啲睇。」

君如與盧海鵬等齊切燒鴨慶祝。

衛詩雅很高興新片有佳績。

談到有傳在早前的慰勞宴中，黃偉文（Wyman）見遲來的陳奕迅即拍枱斥「有啲我唔想見到嘅人出現」，君如笑謂：「Wyman唔會，要發脾氣都應該係我。嗰晚因為有抽獎所以好多人拍枱。我唔知佢哋有乜恩怨，嗰晚我都好混亂，唔知發生乜事，我唯一睇到佢兩個去咗間房仔傾偈，可能敍吓舊。」菀之則說：「唔見呢件事。（面左左？）冇，成枱有一半藝人入咗房傾偈，笑得好開心咁出嚟。」

文：影視組