陳豪氹仔至上 回家扮小丑
藝人陳豪與吳君如於海洋公園出席親子閱讀活動，近日榮升第二任爸爸的陳豪在台上笑言常扮小丑氹囝囝。被問大仔是否已接受細佬？他說：「OK喎！好乖豬，佢成日想掂細佬。」又謂目前因B仔太細，未想過帶兩個囝囝去拍BB寫真，而大仔就經常去街，多認識世界。
剛完成工作的他目前專心照顧太太陳茵媺及囝囝，將於5月中復工，不過未幫細仔改中文名。至於打算生幾多個小朋友？他則說：「希望多啲啦，唔會講個數目啦，但有target，係兩隻手以內嘅數。」
教爸爸拍戲
同場的吳君如透露囡囡將踏入九歲，笑謂為令囡囡多讀書，即使回家多累也會「扮睇書」，笑指令囡囡覺得出自書香世家。君如又表示牙尖嘴利的囡囡令她招架不住，又笑謂囡囡竟然教爸爸、導演陳可辛拍戲：「有一次睇卡通片，陳可辛問佢知唔知呢啲鏡頭點拍，佢就話『咪特技囉，仲使問！』佢意思你自己係導演點會唔知！」至於會否讓女兒入行？她指女兒比較怕醜，反而有創意，可培養成為編劇，而且做幕前辛苦，不希望女兒入行做幕前。
唔同小生爭
提到本報披露君如因今次拍攝《12金鴨》成績理想，內地有片商以800萬片酬邀請她再反串。君如直認有人與她洽談，但仍未到傾價錢的階段，她說：「唔係話怕辛苦，因為每部電影都有賣點，我無理由同啲小生爭㗎嘛！（唔再扮男人?）唔知，如果有諗到有說服力嘅劇本會考慮，唔係為錢」。
文：影視組