伍姑娘 江美儀惡妻鬥怨婦
藝人伍詠薇、江美儀、陳彥行等，昨日於尖沙咀出席舞台劇《嬉春酒店》記招。伍姑娘透露在劇中演惡老婆，與豹哥單立文演夫妻，並笑言：「我現實唔係o架，以前拍拖係有啲脾氣，做咗人妻後就冇，有啲難演。（唔畀老公睇惡嘅一面？）唔會，佢仲同我講：『你賺咗啦，做咗咁多年終於做舞台劇女主角！』」
同場的美儀則透露在劇中演怨婦：「講嘢陰聲細氣，仲會同單立文開房！（親熱戲？）有啲親密嘅身體接觸。（擔心男友吳君祥投訴？）唔會，佢場場都會嚟睇。」美儀更笑言要將「黑絲」帶上舞台，並指今次演出屬慈善性質，故呼籲朋友不要送花，改送米及罐頭幫助有需要人士。