蔡卓妍爭后驚輸難交戲

藝人蔡卓妍（阿Sa）、任達華（華哥）、杜汶澤（阿澤）、英皇集團主席楊受成博士前晚出席英皇電影《雛妓》首映禮，樂壇天后容祖兒、黃秋生、張敬軒、鍾欣潼、鍾舒漫等英皇藝人亦有撐場，但處於「緩衝期」的吳浩康未有出現。

互睇唔會尷尬

Sa媽有到場睇戲，可會擔心母親看到她的激情演出而尷尬？阿Sa笑言：「睇完最好唔好研究劇情。（唔怕男友陳偉霆介意？）佢嗰啲咪仲勁！大家都係演員，我睇佢都唔會尷尬啦。」由於各界影評和口碑都很好，她對新片票房不存在大壓力，又指阿澤有意開拍種族歧視為題材的新片，她有興趣參演。

左起：杜汶澤、任達華都百分百睇好阿Sa成為影后。

陳嘉桓性感睇首映。

談到成功入圍金像獎角逐「最佳女主角」，阿Sa說：「各位對手都好厲害，我睇過其他作品，入得圍都犀利，雖然我都好想拎獎，但唔敢諗，怕會失望，到宣布嗰刻唔係自己，嗰場戲好難演！事先要做好心理輔導先。」同場的華哥大讚阿Sa在片中的演出：「佢做得好，我都好，應該發掘多啲演員為香港同世界拍多啲好戲。阿Sa都咁耐啦，以前就嘻嘻哈哈，呢次一百分！有啲場口佢有猶豫，我同佢講應該猶豫其他嘢。（撐佢拎影后？）我已經投咗最強勁一票畀佢，我以戲中對白同佢講：『我有畀你（咩）o架！』」

阿澤唔會盲撐

身為監製的阿澤亦睇好阿Sa憑此片奪影后：「佢係最好嘅，其他嗰啲我一部都未睇，不過我唔係盲撐，聽講趙薇都做得好好，不過金像獎太中國化，太多內地演員對香港演員唔公平。」

文：影視組