楊洛婷日日「造人」

藝人楊洛婷昨日到金鐘為活動擔任司儀，見她腹部微隆，莫非與樂隊Dear Jane成員老公阿Tim（黃天翱）造人成功？她說：「我同老公、奶奶、姑仔去大阪玩，食肥咗啫！（有冇『造人』成功？）日日都做啦！我奶奶冇催我，但我爸爸媽媽成日畀壓力，我未結婚時佢哋已經催要抱孫。（思想咁開通？）可能佢哋喺外國生活悠閒，想湊孫，又見我同阿Tim感情穩定。依家佢哋都成日喺電話度話改好晒BB名。我阿媽就話我有咗，佢就報陪月course喎！（想生龍鳳胎或者三胞胎，快啲達標？）有幾多生幾多，但我家族冇試過有雙胞胎，老公就話佢有，我冇所謂，順其自然！總之有咗會公布。」她又指婚後首次派利是感興奮：「依家習慣咗人哋叫我黃師奶多過黃太，啲friend話我好搞笑！」