細佬爬頭結婚 陸詩韻忙做大姑奶

藝人陸詩韻昨日穿上深紅色Tube dress與美心妹妹Celine（楊鎧凝）到銅鑼灣為美容品牌新店剪綵，她說：「新年希望身體健康，事事順利，搵番個如意郎君！（介意大會新聞稿以你與前男友吳銘偉分手嚟形容你？）唔介意，我好善忘，只會聚焦眼前，過年有工開就係好兆頭啦！加上我細佬就快結婚，（爬你頭？）都冇分o架啦，反而做大姑奶原來有好多嘢學，好似買龍鳳鈪、戒指有好多學問，我呢排忙研究呢方面！」而陸詩韻更於現場為Celine妹妹扮靚靚。