過年見家長 蕭正楠媽咪讚翠如
黎耀祥、蕭正楠、曹永廉等主演的新劇《公公出宮》昨日首日開工，蕭正楠坦言已帶了女友黃翠如向媽媽拜年，他說：「媽咪第一次見翠如，今次團拜佢都見晒我媽咪嗰啲親戚，媽咪當然好鍾意佢，評價好好，美中不足係本來想翠如下廚整啲嘢畀我媽咪食，因為媽咪唔識煮嘢食，成日驚我將來冇啖好食。」
翠如之後到韓國拍節目，問可擔心翠如趁機識韓仔？蕭正楠說：「唔驚，佢邊夠啲韓國女仔嚟。不過，佢素顏都好自然，同韓國女藝人唔同，相信喺韓國都有發展。」而黎耀祥初三準備盤菜款待「太監五虎」兼研究《公》角色，他相信開工會有火花。問到大眾可有發新年財？祥仔說：「冇玩，佢哋都好漏氣好遲嚟。」曹永廉則指眾小朋友將祥仔屋企變成兒童樂園。