汪詩詩教訓貪食羊大叫：NO!!

汪詩詩日前聯同表妹湛琪清（Jessica）到元朗餵羊應節，祝願羊年喜氣洋洋。不過五頭小羊非常淘氣，不時東奔西走，要兩人拿着葉子做餌引羊仔埋身。當中一頭黑羊最貪吃，對詩詩更情有獨鍾，常在其身邊團團轉。詩詩嚇得大叫「唔好」，又嘗試以訓練狗仔方式大喊：「No！」但黑羊當然沒有理會，令詩詩哭笑不得。詩詩笑言：「啲羊好可愛，但其中一隻搶嘢食，好唔乖，同埋佢好似鍾意咗我咁，成日跟住我。」至於首度與羊咩咩近距離接觸的Jessica，坦言也有點驚：「因為啲羊有少少惡，為咗食嘢跳到好高，真係有少少嚇親。」

馬爾代夫過年

由於子丹稍後要到上海拍戲，故詩詩趁新年一家人外遊。昨日她更在微博上大晒在馬爾代夫泳照。談到新年願望，詩詩有感最近流感肆虐，望大家身體健康，並打算新一年多做慈善工作。Jessica則工作至上：「上年新年願望係拍一部戲，最後拍咗四部，今年願望係拍五至十部，哈哈！」

拍戲學識策騎

而甄子丹近日應香港賽馬會之邀今年連續第三年成為「寶馬香港打吡大使」。早前他為賽事拍攝宣傳照，自言以前觀看賽馬時亦幻想過落場策騎：「我係透過拍戲學識騎馬。依家可以喺馬背上面舞刀弄劍，嗰種感覺真係好Free。」

詩詩甚受小羊歡迎，當中黑羊更跟到實一實搶食。	甄子丹早前為「寶馬香港打吡大賽」拍攝宣傳照。	詩詩趁新年一家人到馬爾代夫外遊，更大晒泳照。

服裝﹕Ted Baker、Bread n Butter

髮型﹕Kenji Ng、Johnny Lam@PP IL Colpo

化妝﹕瞳諺_小白、Kayan@iMAKEUP WORKSHOP

場地﹕元朗農場鮮奶有限公司

文：名人組