古仔放假半夜拜神 阿佘曬太陽過年
古天樂與佘詩曼農曆年終於有假放，不過身為長子嫡孫的古仔既要幫手拜神，又要隨父母往親戚家拜年，放假絕對忙過返工。阿佘則笑指母親是「洋妞」，過往在夏威夷生活，大年初一的節目是享受日光浴。
忙完《衝上雲霄》電影版宣傳工作後，加上票房成績不錯，古仔與阿佘終可放心休息。家庭觀念極重的古仔，每逢農曆新年都會爭取放假數天陪伴家人。
忙向親戚拜年
提到過年習俗，古仔表示：「年卅晚吉時要起身幫手拜神，揀啱喺凌晨五點都幾辛苦。年初一我就會向父母跪地斟茶拜年。（今年幾套賀歲片喺手，派利是改派戲票？）你就想喇！」他至今仍會隨家人往親戚家拜年：「啲親戚見怪不怪喇，只係每年總有啲親戚嘅小朋友覺得大得好快，我認唔出佢哋囉。」
阿佘則指母親思想西化，自己似乎沒有特別的過年習俗：「媽咪以前喺夏威夷住，過年我哋喺沙灘曬太陽囉！」在旁的古仔即謂：「咁佢過年咪要着比堅尼囉？」阿佘笑答：「佢依家返咗嚟香港住啦，所以改着旗袍。」
文：影視組