蕭正楠攜眷團拜 翠如實習湊B
黎耀祥、蕭正楠、曹永廉、黃浩然及陳國邦因在劇集《大太監》演太監獲封「太監五虎」，祥仔作為五虎之首，一直甚獲兄弟尊重，前晚眾兄弟與胡定欣等到他家拜年兼食鮑參翅肚，蕭正楠帶女友黃翠如現身，浩然及國邦帶妻兒出席，期間蕭正楠難免被催婚，翠如則趁機學湊B。
黎耀祥、蕭正楠、曹永廉、陳國邦、胡定欣等主演的新劇《公公出宮》今日開工，前晚一班好兄弟到祥仔家拜年，蕭正楠帶女友黃翠如現身，黃浩然及陳國邦就一家出席。祥嫂Julia準備了盆菜，浩然嫂亦帶了大煲花膠、海參、鮑魚，眾人吃得滿足過肥年。
祥仔家變樂園
祥仔受訪時透露，前晚家中像兒童樂園，問有否催蕭正楠結婚？他謂：「阿蕭咁大個人自己識諗。」今日開工的祥仔指《公》劇拍到六月，之後會到開平取景。
曹永廉說眾人當晚傾偈到凌晨兩、三點，他說發現蕭正楠、翠如和定欣與小朋友玩時，父愛、母愛湧出來。翠如受訪時謂：「啲小朋友好得意，（有冇被催婚，會唔會趕生B？）見到浩然太太同羅敏莊湊小朋友好攰，工程太偉大，要慢慢再了解，依家畀心機做嘢先。」說到被兄弟催婚，蕭正楠笑言：「可能佢哋唔想再派利是畀我，但我起碼要逗多幾年。」
高海寧恨拍拖
此外，翠如與高海寧去年都名利雙收，不過展望羊年，二人都指樓價過高，暫不考慮買磚頭，選擇歎世界。翠如希望學潛水，欣賞海底世界，高海寧則想多些陪家人旅行。說到愛情，Dry爆的高海寧也心知自己太「宅」，故今年有「終極」計劃，29歲的她笑說：「如果到30歲都未搵到男友，我唔介意去Speed Dating。」
場地：香港九龍東皇冠假日酒店（紫粵軒）
文：影視組