任達華放長假氹乖女
「年中無休」的任達華終趁農曆新年一家外遊歎世界，飛往澳洲及泰國旅行，預計三月初才結束悠長假期，他接受長途電話訪問不禁謂：「要做番個負責任嘅爸爸，上年成年都只顧開工，係時候氹吓囡囡嘞，陽光海灘佢最開心。」
羊年一到，華哥手頭上已有4部片約，他更落實7月遠赴法國，接拍一部法國電影。談到新年願望，他說：「梗係最想阿Sa（蔡卓妍）憑《雛妓》攞影后啦，我對佢好有信心。雖然我呢位長腿叔叔大家唔係好欣賞，暫時冇乜提名，但我會陪佢行金像獎紅地氈；時間許可嘅話，我會去埋福岡影展撐佢場。今次證明英皇係間好公司，大家無分彼此去完成一件事。」