蕊蕊領軍「大解放」谷旺事業

女子組合HunterZ成員蕊蕊、陶枳樽(Crz)、鄧詠雪(Suetzi)及何麗娟(Kelly)趁新年「大解放」,穿上低胸火辣裝大騷驕人事業線,蕊蕊大騷34F「Big」爆上圍,氣勢最強!她又自爆去年已飛到台灣跟男友金剛過年,並「投訴」台灣與香港習俗大不同:「以為可以去逗利是,點知原來台灣唔興派利是,結果一封都逗唔到。(最後零收穫?)金剛咪派咗一封畀我囉,哈哈!」

HunterZ四女也稱每年新年都會派利是予工作人員:「雖然我哋未結婚,但都會派利是畀工作人員,多謝佢哋今年咁幫我哋,表達心意。」而Suetzi則坦言會去旅行避年,她說:「往年都會同屋企人去旅行,咁今年都唔例外,都會去旅行。」另外Kelly及Crz坦言新年時會到親戚家拜年,與家人感受節日氣氛。