林峯去到盡挑戰精神分裂
羊年到！林峯親自揮筆祝大家「峯生水起」！談到新年，他表示今年可能要工作中度過，又不忘大晒恩愛指如果女友沒有工作，兩人會一起過節。問到sweet爆的他們何時結婚派利是？他則冧笑地謂：「私人嘢唔講住，不過我年年都會派開工利是，希望大家新一年大吉大利。」工作方面，滿腹大計的林峯希望今年能歌、影、視三棲發展，他透露二月到美國錄國語碟後，三、四月會拍內地武俠片，下半年則會拍電影。而音樂方面，他表示現正準備首張國語專輯：「希望2016年搞第五次紅館演唱會，之後就可以去內地正式巡迴演唱。」
登大銀幕尋突破
喜愛電影的林峯特別強調想在大銀幕上有更多嘗試，故希望在電影方面能發揮得更多：「電視觀眾係家庭觀眾，角色設計有限制，但電影就可以試唔同嘢。（想挑戰咩角色？）例如電視唔會有啲精神分裂（嘅角色），有嘅但冇法去到咁盡，同埋監製未必搵我做呢啲角色，所以希望畀未見到嘅一面大家睇。」
化妝：Raymond Yip
髮型：DY@Hair Corner
服裝：Burberry
場地：柏寧酒店
文：音樂組
攝：黎志輝