吳君如一家赴美 囡囡留港即反面

藝人吳君如昨午12時許與老公陳可辛及囡囡陳是知一同現身香港機場，戴黑超的君如先行上前辦理登機手續，老公則殿後照顧囡囡，全程不發一言。君如透露與家人到美國探親，前晚更努力游說囡囡留港度歲，惜無功而回！她說：「佢話一定要去，唔去反面，尋晚我同佢講不如留港消費。（跟住囡囡點？）咪整個反面樣畀我囉，其實都係見下啲親戚，去一個禮拜。」其後記者祝賀今年有賀歲片上映的君如新片大賣，她即笑笑口多謝，並祝記者新年快樂！