苟芸慧有脹礙決心變壞

藝人苟芸慧、陳凱琳、呂慧儀及蔡思貝等，昨日於電視城拍攝節目《羊羊得意過新年》。苟姑娘率先自爆袋定五位數字派開工利是。她希望羊年能身體健康，又自爆好想拍劇：「我掛住拍劇嘅時間，三月會開劇！（身體如何？）穩定，要抽血同做身體檢查。」苟姑娘坦言為了拍劇不介意「糟蹋」靚樣做「衰人」，更心思思想演奸角及醜角，以擴闊戲路：「我想做壞女人。（做埋醜角？）唔介意，反正我身材都未Keep番好，做啲其他得意角色都得！」

陳凱琳「大個女」派利是

而陳凱琳就自爆「大個女」會派利是畀婆婆，更打算邀請好友陳瀅及何雁詩等齊齊去荷蘭遊玩。她預告拍畢劇集《殭》後到加拿大探望弟弟。問她新年會否想找個男友？Grace笑稱未有人選，惟有與工作「拍拖」。提到有報道指Grace的父親是身家逾億的鋪王，她表示「得啖笑」。

呂慧儀帶兒子四出逗利是幫補家計。

陳凱琳自認「大個女」，派利是畀婆婆。

蔡思貝跟秋生「做人」

至於呂慧儀透露會帶兒子四出拜年：「我個仔今年第一年拜年，（幫補番你啲利是支出？）佢啲利是錢我會幫佢儲起，（生多個，逗多啲冇咁蝕？）唔得呀，生仔好多嘢做，我老公收咗爐！唔係，應該話係暫時休息。」同場蔡思貝透露羊年將有新搞作，又大讚跟黃秋生學戲同時能學做人。而留港拜年的林欣彤就笑稱會走勻全港到親戚家逗利是。

文：影視組