周秀娜放峰：要靚桃花！

女神周秀娜由模界闖入影壇，去年開始在商界大展拳腳，可謂財源滾滾來，她趁農曆新年走入桃花陣，更悉心打扮谷盡三吋事業線，取其意頭，盼望來年桃花運與人緣同樣可以「谷到盡」！即將30歲的Chrissie是圈中黃金盛女，目前仍單身的她坦言今年應該會有許多桃花：「拍拖就年年都想，不過今年工作上將會有好多關於愛情古仔，今年應該會有好多桃花，希望係靚桃花！」Chrissie指現時未有對象，對於擇偶條件，她說：「依家真係冇擇偶條件，以前好多時外表行先，因為第一個感覺，依家反而相處落，性格重要啲，不過暫時仲未遇到，希望今年羊仔可以帶畀我好運。」

開拓亞洲市場

Chrissie去年成功創立自家內衣品牌榮升CEO，早前更開始在網上發售產品，她的新年願望是年中可在香港正式開地舖，並希望在亞洲其他地區開舖。談到今年預算封幾多錢利是，Chrissie豪氣說：「我冇預計過，但我梗係覺得愈多愈好，自從入行第一年開始派利是，好想多謝一年來辛苦做嘢嘅同事同朋友，我覺得新年派利是都係希望大家新一年可以順順利利嘛！五位數字？六位數字？可能六位數差唔多。」

周秀娜向讀者送上祝福，願大家身體健康！

榮升CEO的周秀娜過肥年，更計劃拓展業務。

盼接戲撐港女

至於其他新年願望，Chrissie說：「第一梗係希望身體健康，身體健康先可以做乜都得，同埋今年想喺電影方面有自己鍾意嘅劇本，因為舊年拍《分手100次》，小嵐呢角色帶畀自己好多，所以好想拍多啲關於愛情古仔，同埋演港女角色，因為我都好想幫佢哋（港女）平反，另外都想喺自己29歲，踏入30歲階段拍到《廿九加一》呢個劇本，因為我幾年前睇過呢齣舞台劇，咁啱今年係呢個年紀，覺得好適合。」

髮型：Daniel Cheng@Amarone Salon

化妝：Circle@ ND & Co. Co

服裝：Elliatt（外套）、Shakuhachi（上衣）、Sinequanone（裙）

場地：財記花園

文：王庭芝

攝：吳文聰