美棋BB唔敢洗頭着紅Under迎新年

藝人黃美棋及張繼聰前晚到荃灣出席農曆新年倒數活動，梳了一個「春麗頭」的美棋BB盡顯青春活力，她笑言仍想繼續(才豆)利是：「我想三十歲前結婚生仔，都仲有五年時間。（新年點過？）放四日假同親戚拜年。（去緋聞男友鍾健威屋企拜年？）睇吓佢方唔方便先。」她又自爆新春習慣，已穿上紅色內褲以及不會洗頭：「雖然成頭spray（噴髮膠），但都唔洗頭住，呢啲嘢信則有不信則冇。」
黃美棋很開心有四日假到親戚家拜年逗利是。
黃美棋很開心有四日假到親戚家拜年逗利是。

張繼聰囝囝想買法拉利

張繼聰則表示利是交由老婆謝安琪負責：「啲錢都係畀晒佢o架喇！（出埠玩？）唔啦，初四要開工，忙到六月。（過肥年？）肥少少啦！肥喺個心度。」他又自爆今年封兩百元利是給囝囝：「佢攞住兩百蚊問我可唔可以買到法拉利，我話你可以試吓囉！」

杏兒、張繼聰等前晚出席商場倒數活動時大受市民歡迎。
  • 杏兒、張繼聰等前晚出席商場倒數活動時大受市民歡迎。
張繼聰近日不停出席活動搵錢過肥年。
  • 張繼聰近日不停出席活動搵錢過肥年。