倪晨曦粉紅靚妝好意頭
身為美容達人的模特兒倪晨曦（Elva），因近年在網路平台上教授不同妝容秘笈而為人所認識，她還趁農曆新年即席教各位貪靚女士化一個喜氣洋洋的妝容去拜年：「眼影我會揀粉紅做主色嚟迎合中國好意頭嘅傳統，只要再配合埋一啲其他顏色就唔驚睇落眼腫，始終去拜年係會以暖色調比較好，老人家會鍾意多啲。」她表示從小已對化妝品感興趣，經過一番鑽研後，現出席公開活動亦必定親自操刀。
談到新年習俗，在加拿大成長的Elva表示家人均十分傳統及注重賀年食品，她說：「新年每一日都要食魚，同埋媽咪一定會整蛋餃同湯圓，所以新年實會肥，仲有就係大年初一必定要晨早去上頭炷香，呢樣係幾眼瞓都走唔甩，（有冇嘢唔做得？）一定唔可以着黑色衫！」她又衷心希望新一年可致力發展主持工作及增強吸金力。
場地：Janice Lam Makeup Workshop