Lynn中港兩頭騰 JC變陣回流

Lynn與JC接受《好報》專訪大談新戀情，Lynn與郭可盈細佬郭可頌拍拖雖然只是短短數月，但毫不吝嗇公開戀情，大讚男友勤力上進、孝順，努力為將來，兩人感情十分穩定，被問到會否閃婚？她說：「依家感情幾好，但唔會做羊年新娘，我鍾意細水長流，不過都有諗過兩年內結婚，呢個係我自己諗，都唔知人哋點諗。」

兩地相思努力維繫

Lynn近年主力在大陸發展，而男友卻在香港，被問到分隔兩地感情會否難以維繫？她說：「大家有共識，都知道要努力，只好盡量抽出時間。我依家一半時間喺大陸拍電視，拍咗幾個真人騷，覺得好好玩，我鍾意呢類形式嘅節目，完全係做番自己，初初都會好緊張、有壓力，因為節目開始咗，每日都會有一部或幾部鏡頭跟住你拍嘢，所以反應要好快，但學到、識到好多新鮮嘢。」農曆新年Lynn一如過往將會返南京與家人團年，但男友卻不會陪同，她說：「佢都有自己嘅家人，要陪家人過。（有長假期會否一齊起旅行？）唔會，因為新年好多人去旅行，我唔鍾意咁多人嘅地方。」

郭可頌、熊黛林	JC為男友安志杰將事業發展基地轉為香港。	安志杰、JC

為公為私學普通話

而JC羊年的目標是學好普通話，一來為了進軍內地市場，二來為了融入男友安志杰（Andy）的台灣家人，望直接與他們溝通。JC今年將主力在電影方面發展，已簽下數部內地電影合約，她說：「喺內地工作言語不通令我有啲擔心，但我有自信可以做到！」一向有心闖荷里活的JC，由於男友定居在香港，她亦即時轉變計劃，將香港定為基地，爭取時間與男友見面。問到她可會叫Andy成為她的私人普通話導師？她坦言：「我有時會問佢，不過我哋用英文溝通真係易好多，我唔想令佢覺得同我傾偈變成工作，唔想逼佢。」

Lynn

服裝：Dorian Ho

場地：Kyoto Joe（蘭桂坊）

JC

化妝：Phoebe Ho @ Spotlight Image

髮型：Gary Sum @ Hair Corner（Central）

服裝：中藝

場地：Mira Moon Hotel

文：名人組