吳雨霏得寵新抱冧爆晒幸福
歌手吳雨霏（Kary）前晚舉行婚後首個「Soliton presents Kary Ng Enternal Love Live」音樂會，榮升「洪太」的她全晚笑容燦爛，歌迷亦表現熱情，為Kary亮起手電光揮動又讚靚女，令Kary冧爆，她更指愛情有甜酸苦辣，但到最後都是甜的，幸福完全發自內心。
老公匿埋撐
吳雨霏受訪時被喚「洪太」，她坦言未習慣，並指有時改不了口叫老爺奶奶做「Uncle、Auntie」。那叫老公呢？Kary笑言：「ok啦，唔會話你哋聽點叫。（老公有冇捧場？）有嚟呀，老爺奶奶都有！（只見老爺奶奶未見老公？）佢唔慣見大家！（老公係網球王子當年都見慣體育版記者？）邊有o架，冇嘅，但佢好Enjoy你哋叫佢『網球王子』稱號，咁佢當年打網球時又係幾叻嘅，多謝你哋改咗咁好稱號畀佢。」
樂玩煮飯仔
講到婚後首個情人節，Kary稱要準備音樂會，只簡單在家中煮飯仔慶祝：「都有收到禮物，我都有送畀佢。」Kary忍不住爆上年仍是男友時，他送了一個「磅」作情人節禮物，雖然她曾說要買磅，但沒想過情人節會收「磅」，她當場呆了。提到台下歌迷催她生B時，奶奶笑晒口？Kary笑言：「係咩？咁我都鍾意小朋友，順其自然啦！」
文：音樂組