蔡楓華笑騎騎手指刷牙

樂壇奇葩蔡楓華入行三十多年，事業上經歷多個高低起伏，2012年完成紅館演唱會夢想後，近年不時有小型演出，昨日下午4時多，戴cap帽及黑超的蔡楓華穿灰色冷衫，孭斜孭袋凸腩現身中環，他心情似乎相當不錯，不時自言自語兼咧嘴而笑，行過馬路又忽然chok爆如模特兒上身。蔡楓華邊行邊笑往巴士站，擺晒甫士睇站牌，臉上又無端端泛起笑容，期間更不顧衞生用手指玩捽牙，及至巴士駛至，蔡楓華取出八達通登車，步行到上層坐下，坐車期間他一時伸脷一時笑不停，至西灣河下車後直返寓所，到底咩事笑唔停呢？