陳凱琳偷師過戲癮
陳凱琳、姚子羚、劉佩玥及何雁詩等昨到商場宣傳劇集《四個女仔三個BAR》，與粉絲大玩遊戲，送出金羊提早賀年，而演員何廣沛亦抽到大獎，率先發新年財。
Grace參選港姐至今，一直被讚有潛質，她直言：「真係拍劇拍上癮，新年願望係多啲開劇，想自己focus（集中）啲。（好似蔡思貝咁上堂學戲？）最近同鄭嘉穎合作，佢教我喺片場留意人哋嘅演技，同埋睇多啲電影，我覺得每個人嘅吸收方法唔同。」眾前輩中，她最想與田蕊妮合作：「係人都話佢嘅演出好有soul（靈魂）。」Grace透露因趕戲及出席新春節目，只得兩天新年假：「今年都想學識煲湯。（煲畀人飲？）煲畀父母飲呀，暫時唔需要拍拖。」
姚子羚恨桃花
至於子羚則透露農曆新年要開工，並指室友兼閨蜜龔嘉欣買了桃花放家中：「大家都想行桃花運，佢不嬲有人追，應該快過我。（恨拍拖？）我都唔細，想搵如意郎君，但冇人幫我牽紅線。情人節嗰日我講笑話join埋杏兒，佢話唔好啦，話唔定佢好快（拉埋天窗）。（擇偶條件？）有責任心囉，但我都係感覺得先。」
文：影視組