阿Sa 陳偉霆Chur盡年卅
陳偉霆（William）近年在內地爆紅，工作浪接浪的他雖然財源滾滾，但就犧牲了不少與女友蔡卓妍（阿Sa）的拍拖時間。阿Sa昨日接受訪問表示William農曆新年撞正拍劇，故此未能雙雙賀歲，她反而會與好姊妹鍾欣潼（阿嬌）旅行喪玩，雖然如此，但阿Sa與William仍會於年卅晚提早甜蜜團圓！
應屆候選金像影后蔡卓妍（阿Sa）與男友陳偉霆（William）拍拖4年，由於William農曆新年要拍劇，故這對小情人要分開賀歲，阿Sa昨日接受電台訪問，透露賀年計劃：「同阿嬌（鍾欣潼）去靚嘅地方！（男朋友呢？）佢要拍劇，冇得過都冇計。」兩口子要把握年卅晚，爭取時間提早溫馨團圓，不過兩人向來恩愛，不用朝夕相對都一樣甜在心頭！
遺憾無緣春晚
日前有指William臨時被央視春晚踢走，事緣與他一同演出的韓國組合EXO的中國籍成員鹿晗和Kris跟SM事務所的解約糾紛仍未完結，令他們原定演出的節目「致青春」被腰斬，William不禁在微博留言說：「此次擦肩真的很遺憾。從6日到12日我參加了4次綵排，被這個舞台深深吸引，謝謝春晚的邀請！謝謝支持我的朋友！」
「下次總有機會」
對於男友臨門一腳失足，阿Sa安慰愛郎：「唔緊要啦咁後生，大把機會！」而William昨日亦透過經理人霍汶希說：「我冇唔開心，係一個經歷，下次總有機會。我聽日（即今日）都會返嚟，因為年廿九要做宣傳，得番年卅晚放假，之後我都要返內地同吳奇隆拍電視劇。」霍汶希亦表示William和阿Sa只得一日（年卅晚）假期相處，定必會好好把握時間見面。
文：專案組
採：音樂組