王宝宝醜狗變靚 Mikki貓咪吹韓風
李思捷前女友春卷（王宝宝）日前帶同愛犬天天到寵物店購買新衫及做Spa，扮靚靚迎接新一年，還為天天揀了一個中式小背包用來放利是。而名模姚書軼（Mikki）亦趁農曆新年前帶兩隻愛貓Water與Melon到寵物店美容和裝身，預備新衣迎新年。
春卷愛犬天天今年一歲多，是一頭白色松鼠狗，剛買回家時樣子醜陋，她說：「佢塊面啲毛甩晒，好醜樣，我當時就係鍾意佢醜樣先買佢返屋企，但估唔到依家養到佢咁靚仔。」春卷稱每天都會為天天下廚煮兩餐，又會為對方清潔、按摩及剪毛，可謂服侍周到，連寵物店的職員也大讚春卷對天天照顧得無微不至，春卷笑言：「我經常都會買玩具、零食同狗仔衫畀天天，但天天唔多鍾意着衫，玩具通屋都係，但玩嚟玩去都係嗰幾個囉！」
希望黑氣全消
提到新年，春卷透露新年期間有工作在身，故會留港度歲，問她會否到男友家中拜年，她稱未有特別計劃。至於新年願望，她坦言去年非常黑仔，希望羊年黑氣全消：「我馬年一開始就好黑，唔見銀包又唔見電話，破咗好多財，希望今年一切順利，最重要係家人同自己都身體健康。」
開心健康成長
另外，名模姚書軼（Mikki）就帶兩隻愛貓Water與Melon到寵物店美容和裝身，扮靚靚迎新年，Mikki還為牠們穿上韓服以及恐龍衫衫跟大家拜個早年。由於Water和Melon甚少出街，當日Mikki帶牠們到寵物店時牠們都表現得很害怕，要Mikki輪流抱在懷中安撫。Mikki又在店內選購了多款貓貓零食給牠們作新年禮物。她說：「養咗佢哋之後真係帶畀我好多歡樂，希望佢哋可以一直開開心心、健健康康成長。」
（場地：Hi-5 Pets）
（場地：Dog One Life）
文：名人組