城城情人節歎愛心蘿蔔糕
天王郭富城昨日為為期三日的「浪琴表馬術大獎賽」擔任頒獎嘉賓，他表示活動過後便要趕回無錫拍攝電影《西遊記之孫悟空三打白骨精》，年三十晚會返港與家人度過。
日前情人節已吃過母親製的蘿蔔糕，再與公司吃團年飯：「食到好飽，平時拍戲個妝擘唔大個口，所以瘦少少，返嚟香港除咗食嘢仲有食藥。」他透露說服了剛過80大壽的母親今年出外吃團年飯慶祝：「往年都係佢親自下廚，我哋唔想佢咁辛苦，最終同意咗出街食。（封大利是畀媽咪？）年年都會，（有冇催你帶女朋友返去？）佢都費事講喇，隨緣啦，專注工作，拍《孫悟空》係入行以嚟最辛苦，不過都值得，返屋企可以食媽咪煎嘅蘿蔔糕。（你有冇煮過畀人食？）媽咪、姐姐同哥哥，（朋友呢？）去我屋企拜年通常都係工人煮。」
苟芸慧送花
城城前緋聞女友苟芸慧、藝人王君馨和朱慧敏前晚出席首場馬術活動時，苟芸慧表示情人節冇收花，反而因擔任李亞男的姊妹團而要送花。至於同場的王君馨透露男朋友身在紐約，未能一同慶祝，問到情人節會否特別掛住男友？她笑說：「冇就假，（你心唔心急結婚？）唔心急，交畀神。」
文：名人組