狄易達洗邋遢 帶隊逗利是

歌手狄易達（達仔）趁着年廿八洗邋遢，聯同一班師弟妹如石可欣、朱天奇及楊樂文等，到車房落手落腳洗車，眾人開始時有點雞手雞腳，但其後熟手後，變得有板有眼兼十分落力。而達仔更邊洗車邊拍攝花絮，乘機偷懶，最終合力洗車成功！

年三十買機票

眾人表示平時都只是幫忙家人打掃家居，但洗車就是首次，感覺十分新奇，不會覺得辛苦。問到身為餐廳老闆及跳舞學校校長的達仔，今年會否加碼派利是，他笑言要「走佬」避年，他說：「我應該年三十就會買張機票走人，銀碼都唔重要，心意嚟o架啫！其實我真係好想派利是，但依家實在太多人，所以就唔係好想派啦！其實我都曾經試過派四位數字嘅利是畀大家o架！」達仔又為了避免成「攻擊目標」，決定自組逗利是團：「咁我就介紹大家去搵啲會派利是嘅人，等大家可以逗多啲利是啦！」

首次洗車的LuLu十分落力，她希望新一年能在商界大展拳腳。

達仔趁新年將至率領一班師弟妹到車房洗車，感覺新奇。

盼成功闖商界

至於模特兒王璐瑤（LuLu）同樣獻出第一次，為愛車洗邋遢，她說：「平時由我爸爸或者交畀車房洗車，因為我好懶，咁年廿八要洗邋遢嘛，都要洗車嚟迎接新一年嘅好運。」她又自認迷信，洗車之餘，還會用碌柚葉及花瓣沖涼，以洗走衰氣及增強運勢。她稱家人亦十分傳統，故新年期間絕不能犯禁忌：「試過有一年見到對鞋好靚同做緊大減價就忍唔住買咗，點知佢哋話新年點可以買鞋，鞋鞋聲，『哦』咗我好多日。」提到新年願望，她希望成功闖商界，把網店生意化為實體店。

狄易達服裝：Blvckplus#dawnclothing

場地：Pomponazzi金保時汽車鍍膜

文：專案組