克勤寸阿倫：左麟住
譚詠麟（阿倫）前晚假紅館舉行第二場《譚詠麟銀河歲月40載演唱會》，請得好友李克勤任嘉賓，而克勤太太盧淑儀亦有捧場。「左麟右李」在台上大放不文笑彈，阿倫稱不可跟克勤做鄰居，皆因：「曾經有朋友問我哋是咪真係鄰居， 我就話唔得o架，我唔可以真係住喺你（克勤）隔籬，因為咁樣我一出門口見到你就會對我講『左麟』……」克勤接着話：「左麟住……我點敢講呀，連你（阿倫）都唔敢講，我點敢講。」
克勤表示相信太太不會介意他擔任嘉賓而未能慶祝情人節，全因阿倫在打羽毛球時讓賽給太太，更爆阿倫愛着原子褲落場，被爆大鑊的阿倫哈哈笑謂：「好現代化嘅，我驚你太太（盧淑儀）介意，但我打梗波時冇傷害性嘅。」全場爆笑。