亞男斟茶變「金豬」

「藍男戀」修成正果，昨早一對新人在酒店向父母及長輩敬茶，身穿白色新郎裝的祖藍跟鮮紅低胸裙的亞男，齊齊向舅父冼偉智斟茶。在亞視任職助理副總裁的冼偉智，見祖藍終於大個仔娶老婆，忘卻亞視近排種種是非，飲茶時笑到見牙唔見眼，更親手替亞男戴上金豬連豬仔的金器，祝「藍男」家肥屋潤，三年抱兩，連同亞男手上份量十足的金鈪，一身「豬」光寶氣！冼偉智感動表示日後會為亞男出頭：「好戥姨甥開心，一早當Leanne（李亞男）係自己人，以後有咩事都有舅父喺度。（亞男畀祖藍欺負就向你投訴？）係呀，唔會畀人蝦！」問他日後會否偏幫祖藍？偉智說：「唔會，佢哋有咁多婚前輔導。」