蘇志威50歲再拍婚照

草蜢成員蘇志威與太太劉小慧昨日出席自家禮服品牌的情人節活動，他表示此乃新搞作，希望藉此給予大眾一個「開心價」的禮服和攝影套餐。問到為何情人節都開工？他表示：「因為男女朋友最重視就係呢個日子，所以揀呢日就啱晒我，（你送咩禮物畀老婆？）我每年都唔會送禮物喎，個個都知我唔浪漫啦，佢都唔會送禮物畀我，所以我哋好襯，就算結婚周年都冇，大家食吓飯就開心，要送平常日子都可以送啦，又或者十年、廿年送一次先矜貴。」至於會否與太太再穿禮服婚紗留倩影？他笑說：「有得諗，等我諗吓先，出年結婚18周年，又未到20周年，但我出年50歲，有藉口可以影番輯，仲有兩個花女添！」