莊思敏冇情人 佳節變盂蘭節
模特兒何紫綸（Ann）與莊思敏（Jacquelin）的兩名孖生妹妹莊思明及莊思華，分別於昨日及今日生日，Ann選擇在工作中度過，而思明及思華前晚則舉行派對狂歡，有份出席的Jacquelin則自嘲對單身的她來說，情人節即盂蘭節，認真大吉利是。
今日是莊思明與莊思華的28歲生日，前晚假中環夜店舉行生日派對，並以八十年代為衣着主題，緋聞情侶翟威廉與陳庭欣結伴到場，而Jacquelin則單拖現身，她表示沒有依照大會衣着主題，因為八十年代的服裝太誇張，寧願罰錢了事，至於禮物方面，她坦言：「我會每人封一封四位數嘅利是畀佢哋，我之前問過佢哋想要咩，佢哋都話冇乜嘢想要。」提到情人節，她笑謂：「情人節即係盂蘭節，我都冇情人。」並預計妹妹會比自己早結婚。
每年生日唔出街
至於情人節生日的何紫綸昨日身穿婚紗出席活動，她表示此佳節是她與媽媽的美麗約定：「因為當年醫生問媽咪想我喺14定15日出世，媽咪最後揀咗14日開刀。（咁年年生日都好甜蜜？）我每年呢日都唔出街，因為我唔鍾意逼，同埋覺得出去食飯好唔抵，我一係會踏正生日12點慶祝，一係去旅行，或者同屋企人過，因為媽咪喺呢日好辛苦咁生我出嚟。」她認為生日工作是好兆頭，新一年有個好開始。年尾結婚的她稱已有婚紗公司為她設計晚裝，並計劃婚後推出婚嫁書，但詳情則要賣關子。
冼色麗預演婚禮
另外，藝人冼色麗亦有份行婚紗騷，她表示：「係我第一次着婚紗，好以預演婚禮咁。」提起情人節，她自爆佳人有約，並會親自下廚煮西餐，但否認對方是男友：「了解中，佢係圈外人。（情人節一齊食飯都未係男友？）了解吓先，我唔會喺特定節日證明啲咩。」
文：名人組