鍾嘉欣避「龍」 君馨就住玩
有「四大處女」之稱的鍾嘉欣、岑麗香（香香）、苟芸慧（苟姑娘）及王君馨（Grace），昨日與宋熙年、朱璇、陳美詩等組成「索爆姊妹團」，嘉欣與伍允龍的戀情逐漸浮面，惟兩人前後腳現身婚禮，全程零交流甚為避忌，不過她在微博大晒姊妹合照，更笑稱似「男藍航空」的空姐。
Grace表示前晚為新娘祈禱時，亞男與姊妹們已不禁落淚，提到送甚麼禮物給新人？她賣關子說：「呢份禮物係畀佢哋度蜜月用，亞男好忙都冇時間買，總之保持神秘感，佢哋一定滿意。」談到接新娘時，Grace否認玩殘一班兄弟：「我哋就住嚟玩，佢哋演戲叻啫。」朱璇笑道：「放晒水畀佢哋，祖藍都話比想像中易，我哋係善良嘅姊妹團，比兄弟團係弱少少。」未搶到花球的她，朋友於3月結婚時會再接再厲。