接新娘姊妹出辣招 祖藍孭Bob考腰力
祖藍昨晨率領十人兄弟團包括「老表」演員林盛斌（Bob）、張繼聰、視帝郭晉安（安仔）及好友阮兆祥（祥仔）等去接新娘，眾人與姊妹團為開門利是討價還價時大講有味笑話，笑言以「視帝用過嘅套（電話套）」代替現金，最終盛惠利是9,999元！一班姊妹亦很狼死，準備了榴槤、納豆加鹹竹蜂、忌廉等食物外，又考驗兄弟們的體力玩拗腰，還要穿T-back、黐乳貼，祖藍還要孭着Bob邊行石春路邊答問題，十分搞笑。
據祥仔表示整個過程歷時個多鐘，Bob還上載照片稱：「過咗十幾關，終於接到了！」事後，兩人均直言被玩得好甘，Bob說：「啲姊妹心地好差，但體驗到祖藍對亞男嘅愛幾咁偉大！」身為三女之父的他看到亞男爸爸像不捨得落筆簽字，令他代入父親角色，預了將來要經歷三次。可會催祖藍生仔做親家？Bob說：「咁要快啲，啲女好快大。」祥仔自爆前晚與新郎哥傾到凌晨四點幾，過了個平凡、平靜的單身派對：「四點幾佢依然好興奮。（飲醉？）冇，好清醒，見佢好緊張、戰戰兢兢。」
