成龍追睇：我好欣慰！

房祖名去年因容留他人吸毒罪，於北京東城看守所度過183天後，終在本月13日凌晨時分獲釋，並火速鐵定於昨日情人節舉行道歉記者會，吸引大派傳媒採訪。祖名雙親成龍與林鳳嬌未有現身，僅得經理人陪同出席，雖然記者會舉行短短半個鐘，但過程間祖名態度誠懇，對在場傳媒提問有問必答。

由太太安排一家團聚

雖然成龍正身在泰國宣傳新作《天將雄師》，但仍心繫祖名於記者會的表現，故待完成自己的直播節目後，第一時間找來同事了解，並上《東網》細心收睇其記招內容，當聽到祖名態度誠懇自責，並呼籲外間不要責怪父親，別因為自己錯誤影響到他時，原本愁眉深鎖的成龍即展現笑容，及後沉默片刻才感慨謂：「聽到佢咁講我好欣慰，證明佢真係大個仔，肯承擔錯誤，其實作為公眾人物就更加要做好榜樣，所以我都等緊見佢呀！（祖名話等家人安排佢幾時返香港！）我點控制到，都係佢媽咪去安排啦！」

隔空安慰：一切在心中

談到祖名想盡快返家見父母，作為最好的情人節禮物，成龍笑不攏嘴謂：「我都好期待同佢重聚，但仲未做完個宣傳，阿嬌叫我咩都唔好理，到時完成晒個宣傳，佢就會搵公司同事安排我去邊度見囉！個仔到依家未聯絡過我，不過唔緊要，一切在心中，作為老竇點會唔明。不過睇唔到佢現場直播，作為老竇有啲遺憾。」